Абмеркаваньне: беларусізацыя ды валійскі досьвед
3 / 01 / 2008
Галасоў: 10, сярэдняя ацэнка: 3.4. 
Loading ...Становішча валійскае мовы было падобнае да беларускае. Зараз зь яе карыстаюцца ўжо каля 20% жыхароў Ўэльсу. Досьвед валійцаў, даводзіць аўтар, можа дапамагчы матываваць беларусаў.
Як вядома сёньняшні стан валійскай мовы ў пэўным сэнсе можна параўнаць за станам беларускай мовы.
Чаму?
- Гэта мова карэнных жыхароў Уэльсу, якая ў выніку акупацыі краіны ангельцамі была пазбаўленая ролі галоўнай.
- У выніку гэтага галоўнай мовай зносінаў, якую ведаюць амаль усе валійцы, зьяўляецца ангельская.
- Валійская мова да нядаўняга часу была мовай вясковых жыхароў у асноўным маланаселеных горных раёнаў Ўэльсу.
- апошнім часам ідзе адваротная хваля папулярызацыі валійскай мовы, у тым ліку і на дзяржаўным узроўні( досьвед, які можа спатрэбіцца нам у будучыні). Прыкладна 20% валійцаў зараз карыстаюцца валійскай мовай.
На сайце , якая апісвае перавагі вывучэньня дзеткамі валійскай мовы. Аргумэнтацыя, якая можа стацца карыснай у нашых умовах, калі заклікаюць бацькоў аддаваць дзетак у беларускамоўныя клясы. Пераклаў на беларускую галоўныя тэзы, якія і прапаную вашай увазе:
Дзеля тваіх дзяцей!
6 прычын каб вашы дзеці вучылі валійскую мову
Дзьве мовы – у два разы больш выбару
Дзеткі, што размаўляюць на дзьвюх мовах, лепей вучацца
У школе
Дзеткі, якія вучаць дзьве мовы, лепей чытаюць і лічаць. У будучым яны часта больш пасьпяхова здаюць экзамены.
У сям’і
Вучыць дзьве мовы лягчэй для малых дзяцей. Вельмі хутка яны без праблемаў будуць пераключацца з адной на другую. Уся сям’я будзе імі ганарыцца.
На працы
Дзьве мовы даюць больш шанцаў атрымаць працу. Многія працадаўцы ва Ўэльсе патрабуюць веданьня валійскай і ангельскай мовы.
У грамадстве
Магчымасьць лёгка пераходзіць з адной мовы на другую дае задавальненьне. Размова на дзьвух мовах дае магчымасьць заводзіць новых сяброў
У сьвеце
Большасьць людзей у сьвеце ўмеюць размаўляць больш чым на адной мове. Пасьля вывучэньня адной будзе значна лягчэй вывучыць больш. Валійская – гэта добры пачатак.
У жыцьці
Як ангельская, так і валійская – гэта скарбніцы, поўныя апавяданьняў і песень, гісторыі і жартаў. Тваё дзіця атрымае лепшае з абедзьвух скарбніц.
Дай дзецям лепшыя ўмовы. Калі яны вырастуць, яны скажуць табе “Дзякуй”. // для
