• ????????
• Пра гэты сайт
• Галасаваньні
• Топ крыніцы
• Чарты
• Кантакты

• Tоп пасты
• Відэа
• Дыскусіі
• Наш блог / Lab
• Тэмы
• фота

Абмеркаваньне: Вуліца імя Смалячкова - 2

Наўздагон посту пра тое, ці варта называць вуліцы імёнамі забойцаў (няхай яны і былі салдатамі на вайне), прагучала прапанова перафразаваць надпіс на мэмарыяльнай шыльдзе снайпэра Смалячкова наступным чынам: “Вуліца названая ў гонар выдатнага беларускага жаўнера, снайпэра Феадосія Арцем’евіча Смалячкова, які ў 1939-1945 гг зьнішчыў 125 жаўнераў праціўніка”. Такім чынам, блогер прапанаваў прыбраць словы “гітлераўцы” ды “Саветы”, каб падкрэсьліць прыналежнасьць снайпэра Смалячкова да Беларусі. На жаль, дыскусыя была ськіраваная ў іншае рэчышча, сутнасьць якога можна коратка перадаць так: “Ня трэба цурацца Саветаў”.

Арыгінал допісу:
(паводле kurt_belarus для minsk_by)

Вуліца Смалячкова -2
Наконт гэтай дыскусіі http://community.livejournal.com/minsk_by/4618339.html

Пра гэтую шыльду у Менску

Перш за ўсё ўзьнікае пытаньне “Пры чым тут Менск?”
Хутка глянуўшы у Гугл, мы можам даведацца пра тое, што Феадосі Смалячкоў - беларус з Быхаўскага раёну Магілёўскай вобласьці.

Хтосьці з “радыкалаў” адразу заявіць “Прэч Чырвоную армію з нашых вуліцаў”. І з гэтым нельга не пагадзіцца.
Якое дачыньне да Беларусі мае нейкая армія неіснуючай дзяржавы, тым больш той, якая акупіравала нашую краіну на 70 год?

АЛЕ

Хіба мы не павінны паважаць і шанаваць ўсіх беларусаў, якія сумленна ваявалі за Радзіму на любым баку фронту?
Што для нас у дадзеным выпадку больш важна - тое, што гэта чырвонаармеец, ці тое, што гэта наш выдатны снайпэр-беларус, які сумленна выконваў свой франтавы ваяцкі доўг і змагаўся супраць акупантаў Радзімы*?

Мне здаецца, што апошняе.

Шыльда, на мой погляд, павінна выглядаць так:

“Вуліца названая у гонар выдатнага беларускага жаўнера, снайпера Феадосія Арцем’евіча Смалячкова, які у вайне 1939-1945 гадоў зьнічшыў 125 жаўнераў праціўніка”.

Вось так мы будзем памятаць нашага суайчыньніка-ваяра, і пры гэтым на нашай вуліцы ня будзе Чырвонай арміі.

Дарэчы, ўпэўнены, што большасьць беларусаў, якія ваявалі на іншым баку фронту, пагадзіліся б з такім тэкстам шыльды.

/Цікава, што дыскусію пра шыльду пачалі з нейкіх пацыфістычных меркаваньняў: “Ці не шануем мы забойства 125 чалавек”.
Але ж мы не пацыфісты :)))