• Галоўная
• Пра гэты сайт
• Галасаваньні
• Топ крыніцы
• Чарты
• Кантакты

• Tоп пасты
• Відэа
• Дыскусіі
• Наш блог / Lab
• Тэмы
• фота

Абмеркаваньне: Гвалт супраць АМАПу = параза у інфармацыйнай вайне

Мы ня можам дазволіць сабе гвалт супраць АМАПу. Мы жывем у постынфармацыйнае эпосе, у якой галоўным ёсьць ня ўласна інфармацыя, а чын яе падачы. І калі ў міліцыянтаў ды АМАП паляцяць кактэйлі Молатава, хіба хто дасьць веры сьцьверджаньням, што той жа Кім — палітычны вязень? Наўрад ці… (coipish, перафразавана)

Арыгінал допісу:
(паводле coipish)

“Gvałtoŭny supraciŭ” // “Насильственное сопротивление”
Adčuvaju vostruju patrebu vykazacca na kont papularnaha zapisa lesnoi_slon, spasyłku na jaki tak raspaŭsiudžvajuć - http://lesnoi-slon.livejournal.com/202174.html

Adrazu zaŭvažu, što ja na 100%, nie, navat na 200%, zhodny z usimi emacyjnymi adznakami. Mnie taksama vielmi chočacca pakidać kaktejl Mołatava ŭ aŭtazaki zy specnazaŭcami. Ja taksama chaču pierałamać jim robry. I ja navat chaču paviesić na płoščy Kalinoŭskaha spadara Łukašenku z usimi “sudździami”, jakija siońnia vynosili prysudy sapraŭdnym paciarpiełym. Pry čym chaču paviesić razam ź siemjami: jichnimi žonami, mužjami, prodkami j naščadkami. Ja chaču zrabić heta svajimi ŭłasnymi rukami. Ale ja nikoli hetaha nie zrablu…

I ja nia budu da hetaha zaklikać. Naadvarot, ja zaklikaju nikoli hetaha nie rabić i bolš nikoli pra heta nia ŭzhadvać.

Bolš taho: ja zaklikaju zychodzić z taho, što budučynia nacyji pavinna pieravažać u našych metach mahčymaść pomsty, a tamu ja zaklikaju ŭsich mieć mocy daravaci ŭsim katam jichniaje katavańnie pry ŭmovach taho, što jaho bolš nie adbudziecca. Sapraŭdy: chto budzie rabić bolšy supraciŭ revalucyji, čałaviek, jaki viedaje, što jaho paviesiać razam ź siamjoju, ci čałaviek, jaki viedaje, što jaho navat z pracy mohuć nia zvolić? Kali łaska, adkažycie sami na hetaje pytańnie, ja nia budu padkazvać

Ale nia heta asnoŭnaja pryčyna.

My zaraz žyviem u časy tak zvanaj postinfarmacyjnaj epochi. U časy “postinfarmacyjanału”. Na praktycy heta aznačaje, što sens maje nia stolki padzieja, kolki aśvieta padzieji. I nia stolki jnfarmacyja, kolki jakaść padačy jnfarmacyji. Pamiatajcie, drenna padadziennaja jnfarmacyja kličacca spamam, jakim i źjaŭlajecca.

Miarkuju, usim zrazumieła, što ŭłady majuć bolš srodkaŭ davodzić pra padzieji, bolš srodkaŭ raspaŭsiudžvać infarmacyji. I adziny kozyr, jaki pakul u nas zastaŭsia - heta jakaść hetaj infarmacyji.

Užo šmat hod ułady nia mohuć pradstavić anivodnaha bolš-mieńš bačnaha fota- ci videa-materyjału z gvałtam suprać svajich pradstaŭnikoŭ.

Voś ujavicie sabie zvyčajnaha toŭstaha zažraŭšahasia amerykanca (jaki, miž jinšym, peryjadyčna abiraje ŭłady adzinaj niezaležnaj krajiny śvietu) - jak jon zreaguje, kali SNN pakaža biednych źbitych apazycyjaneraŭ i jak jon sreaguje, kali SNN pakaža jak apazycyjanery zabivajuć kaktejlami biednych specnazaŭcaŭ? Kali łaska, adkažycie sami na hetaje pytańnie, ja znoŭ nia budu padkazvać

Nu dobra, ja pavialičvaju - chaj SNN usio roŭna ničoha dobraha pra Łukašenku nie pakaža, a zvyčajny amerykaniec ničoha nie vyrašaje. Ale ž isnuje nia tolki SNN, i nia tolki zvyčajnyja amerykancy. Isnujuć prosta ludzi, jakija schilny spačuvać mienavita pastradałym dy nieści “demakratyju” ŭ lubyja kancy śvietu. I voś ujavicie, što jany navat drenna viedajuć, dzie hetaja Biełaruś znachodzicca. I jany buduć pa roznamu reagavać, kali buduć viedać, što tut tolki ŭłady ŭsich gvałtujuć ad dušy i kali jany buduć viedać, što tut u milicyjantaŭ laciać kaktejli “Mołataŭ”.

I pasprabujcie choć niešta ŭ druhim vypadku zajknucca pra “spravu Kima”. Sapraŭdy, a što dziŭnaha ŭ tym, što niechta DAIšnika pabiŭ, kali tut “Mołatavy” lotajuć!?

Dy na druhi ž dzień paśla “Mołatavych” ułady atrymajuć mahčymaść z čystym sumleńniem pazachodzić u damy ŭsich sapraŭdnych apazycyjnych aktyvistaŭ (kolki takich? sto? dźvieście? piaćsot? dy piaćsiot - hetya maxymum!) i pabrać jich za toje, što paśla “jichnich” demanstracyjaŭ - AMAPaŭcy nieŭzabavie pa-špitalach lažać. I nijaki Zachad nia budzie raźbiracca, što kidalisia kaktejlami nie zusim tyja aktyvisty; jamu budzie dastatkova, što sapraŭdy bačna, što nie mityngujučyja tut paciarpiełyja.

Kaniešnie, kali, naprykład, urad ZŠA vielmi mocna pažadaje źmieny ŭ nas ułady - dyk usio budzie dobra navat pry gvałtu z našaha boku. DziaržDep ZŠA ŭmieje raspaŭsiudžvaci j padavaci jnfarmacyju značna lepš za Łukašenku. Ale jak pakazvaje praktyka, my jaho zaraz nia vielmi cikavim. Jakija-niebudź tybetcy jaho chvaluju znaaačna bolš. Navat nia hledziačy na toje, što tybetcy, u adroźnieńni ad nas ni za jakuju demakratyju nie zmahajucca, a tolki za źmienu adnaho paŭtatalitarnaha režymi na druhi paŭtatalitarny režym.

Karaciej, u sučasnym śviecie hełoŭny aspekt bojki - infarmacyjny. A balšynia ludziej na Zachadzie - žałaślivyja. I treba heta razumieć.

I ja zaklikaju karystacca nie emocyjami, a rozumam. Ja zaklikaju tolki da NIEgvałtoŭnaha supracivu i ja hatovy ciarpieć złomanyja robry j prabačać złamaŭšamu jich AMAPaŭcu. Bo ja nia maju maralnaha prava karystacca emocyjami j žadać pomsty, zamiest taho, kab karystacca rozumam i žadać vyzvaleńnia.

Dzień pačatku gvałtoŭnaha supracivu budzie dniom, kali my praihrajem infarmacyjnuju vajnu. Dniom, kali my zrobimsia zy zmaharoŭ za niezaležnaść zvyčajnymi terarystami - a značyć, “hałoŭnaj pahrozaj śvietu” zhodna amerykanskaj prapagandzie.

PS Miarkuju, z usiaho, što zaraz isnuje, lepš usich demanstruje razumieńnie usiaho hetaha ruch BUNT, spałučajučy patryjatyčnuju jdealogiju j radykalizm, ale ŭ tyj ža čas, razumiejučy ŭsiu adkaznaść za svaje dziejańni j admaŭlajučysia ad gvałtu. Ale niadranna b razumieć i ŭsim astatnim.

Zapis pragramny, pijar vitajecca.